Biodiversidade ameazada

Rotas e espazos

Voltar

Rota dos sobreirais do Arnego Validada

O Sobreiral do Arnego é un espazo natural protexido que forma parte da Rede Natura 2000. A súa protección débese aos seus valores naturais e paisaxísticos. A floresta no Arnego manifesta o encontro entre dous mundos bioclimáticos, o atlántico, de choivas repartidas ao longo do ano, representado polo carballo albariño (Quercus robur) e o mediterránico, con tendencia á seca estival, representado pola sobreira (Quercus suber). Esta comunidade vexetal mista enriquécese aínda máis coas especies do bosque ripario.

Boa parte do territorio denominado Sobreiral do Arnego pertence a particulares. A Zarra da Pena é unha finca de 20 hectáreas dunha familia coa que ADEGA asinou un acordo de custodia do territorio en marzo de 2016. O compromiso é desenvolver  na parcela actuacións de divulgación, estudo e conservación da súa biodiversidade. A Zarra da Pena, é unha parcela cunha boa representacións de sobreiras e na actualidade se aínda se fai aproveitamento tradicional da cortiza.

Este espazo natural é o lugar no que moran multitude de especies de fauna e flora. Entre elas  hai fauna ameazada como o mexillón de río (Margaritifera margaritifera), o caracol de Quimper (Elona quimperiana) ou Geomalacus maculosus, especies que aparecen no CGEA.

Tamén especies endémicas do noroeste peninsular como a saramaganta (Chioglossa lusitanica), ou especies asociadas ao bosque autóctono como a vacaloura (Lucanus cervus) ou ligadas aos cursos fluviais como o Carabus galicianus.

O Sobreiral do Arnego, é un espazo no que se están a desenvolver inciativas de conservación do seu patrimonio natural e cultura empregando diferentes ferramentas de participación socioambiental como son a custodia do territorio, o voluntariado ambiental ou a ciencia cidadá.

Aves

Invertebrados

Plantas vasculares

Anfibios e réptiles

Fungos

Mamíferos

viqui - CC BY-NC-SA

Este contido dispón dunha versión traducida de xeito automático en galego. Se queres, podes consultala aquí aínda que a calidade do texto pode non ser axeitada.

Creada por Miguel Serrano

Estado
Validada

Datos do terreo

  • Pontevedra Galiza

  • Carmoega

  • Dificultade: Baixa
  • Distancia: 6,1 Km

Lenda

  • Fonte
  • Monumento
  • Vistas

Valoración media

5