Rizoma curto, 0-15 mm de diámetro, co ápice erecto. Peciolo moito menor ca lámina, con páleas ovadas ou ovado-lanceoladas, pardas, moi abundantes na base. A lámina é 1-pinnada, con pinnas 1-pinnatisectas, lanceoladas, e épilosa nos nervos, con pequenas glándulas globosas, amarelentas, no envés. Indusio situado sobre os nervos, caedizo, moi irregularmente dentado. Esporas elipsoidais, con perisporio reticulado, subalado.

2n = 68*; n = 34*

Zonas motañosas de Europa, polo leste ate Siberia. Tamén nos Azores e Madeira. Norte da Península Ibérica, en Galiza, máis común na montaña oriental e septentrional.

Lugares húmidos e sombrizos, entre os 0 e 2000 m.s.n.m. Común cerca de regatos, nas zonas máis altas e frescas pode aparecer a pleno sol.