A Reserva da Biosfera das Terras do Miño foi a primeira Reserva da Biosfera declarada en Galicia (2002) e a segunda máis grande da Península Ibérica. Inclúe 26 concellos integrados na Cunca Alta do río Miño, ocupando o 39% da provincia de Lugo, cunha superficie total de 363.668 ha, constituíndo unha das Reservas da Biosfera máis poboadas de España.

Gran parte da Reserva está incluída dentro da Rede Natura 2000, incluíndo dous LICs (Lugar de Interese Comunitario): o LIC Parga-Ladra-Támoga, constituído fundamentalmente polas denominadas “paisaxes da auga”, e o LIC Serra do Xistral, con predominio de formacións de turbeiras de cobertor.