O pasado domingo en Boca do Río, Carnota, facía un vento considerable que faría as delicias dos kite-surfeiros máis experimentados (eses que van con grandes cometas e táboa).  En toda a fronte da praia de Carnota non se vía nin un só, pero si había algún por alí perto. Na zona da marisma estaba un destes cometeiros (non vin máis a esa hora) que se vía pola cantidade de veces que caia que estaba en fase de aprendizaxe. Entendo que esta actividade deportiva está prohibida nesta marisma que forma parte da Rede Natura, e na que os valores naturais deben primar sobre un uso recreativo deste tipo. E que se fai vento e non podes co mar, gardas a táboa e vas pra casiña.

Hai uns anos vía a mesma actividade na lagoa de Baldaio, e polo que puiden constatar logo consultando a rede era unha práctica moi habitual. 

Deixo aquí a denuncia desta actividade e espero que se adopten medidas para frear a súa expansión a este tipo de espazos.