Diversos individuos de Acacia longifolia (Adrews) Willd. aparecen sobre as dunas e zonas areosas, varios deles asociados á berma da estrada que vai desde o itsmo a San Vicente, e tamén na ladeira da Siradelha (zona coñecida como a Telheira). Esta zona está no SIC "Complexo Ons-O Grove", e no límite da ZEPA "Complexo intermareal Umia - O Grove, A Lanzada, punta Carreirón e lagoa Bodeira".

A especie xa aparece citada na zona da Lanzada no libro Plantas Invasoras de Galicia (J, Fagúndez & M. Untada, 2007), citada tamén das illas Cíes e doutras zonas das rías baixo. Ten un importante potencial invasivo, como se ten demostrado en zonas do litoral atlántico Portugués. Debería ser erradicada o antes posíbel polas autoridades competentes, por agora non aumenta o número de individuos e a situiação é relativamente manejável.