Son moitas as ocasións, nas que nunha saída á natureza observamos puntos de verquidos de residuos que se usaron  reiteradamente no pasado e que continúan a ser usados actualmente. A inclusión de ameazas nesta plataforma permite enviar directamente unha notificación ás autoridades, facilitando a resposta rápida no momento en que son realizados os verquidos. Etiquetar estas ameazas nun proxecto permitiría detectar os pontos negros deste tipo de actividade, nos que se podería incrementar as tarefas de vixianza.

En últtimo caso, iniciativas sociais de limpeza tamén poderían asumir as tarefas da administración e poderían usar este proxecto como referencia para a planificación de actividades.

Súmate e denuncia os vertedoiros ilegais que detectes.