Recursos e didáctica

Documentación

Sabes dalgún documento ou material máis que poida ser de interese? Enviánolo a info@biodiversidade.eu para que o poñamos á disposición do resto de usuarios/as.

  • Unha guía para a conservación da biodiversidade agraria de Galicia

    Unha guía para a conservación da biodiversidade agraria de Galicia elaborada por Martiño Cabana e editada pola Consellería de Medio Rural.

     

    Son varias as publicacións que xorden para determinar as diferentes técnicas e actividades que os profesionais que traballan no medio natural deben poñer en práctica para evitaren que a súa actividade repercuta negativamente sobre a flora e a fauna do seu lugar de traballo e arredores. Agora ben, consideramos que os agricultores e gandeiros galegos poden establecer dentro da súa explotación agraria certas medidas para mellorar o estado de conservación do medio natural e non limitarse só a evitar as actividades que o degradan.

     

    Esta guía pretende ser unha ferramenta de fácil utilización para aqueles agricultores, gandeiros ou xestores de explotacións agrícolas que desexen potenciar a riqueza de plantas, aves, mamíferos, anfibios, réptiles ou invertebrados da súa explotación agraria. Deste modo, non só conseguirán mellorar o medio natural asociado á súa granxa, senón que poderán verse beneficiados por unha serie de servizos que a biodiversidade nos ofrece, entre os que sobresaen a polinización e o control biolóxico das pragas.

    Descargar Engadido o
  • INVASORAS ESPECIES EXÓTICAS AMEAZAN A NOSA FAUNA AUTÓCTONA

    Folleto editado por ADEGA sobre especies invasoras animais. Os folletos forma parte do plan de divulgación do proxecto “Rede de voluntariado ambiental para a eliminación de especies invasoras en ecosistemas acuáticos”, que conta co apoio do Ministerio de Agricultura, Alimentación e Medio Ambiente, a través da Fundación Biodiversidad. Grazas a esta iniciativa ADEGA realiza ao longo deste ano diferentes actividades relacionadas coas especies exóticas invasoras.  + INFO www.adega.gal

    Descargar Engadido o
  • INVASORAS ESPECIES EXÓTICAS TRANSFORMAN OS NOSOS ECOSISTEMAS ACUÁTICOS

    Folleto editado por ADEGA sobre especies invasoras vexetais. Os folletos forma parte do plan de divulgación do proxecto “Rede de voluntariado ambiental para a eliminación de especies invasoras en ecosistemas acuáticos”, que conta co apoio do Ministerio de Agricultura, Alimentación e Medio Ambiente, a través da Fundación Biodiversidad. Grazas a esta iniciativa ADEGA realiza ao longo deste ano diferentes actividades relacionadas coas especies exóticas invasoras.  + INFO www.adega.gal

    Descargar Engadido o
  • Dactylis glomerata subsp. izcoi, a new subspecies from Galicia, NW Iberian Peninsula.

    Partillamos o documento onde se describe o endemismo do Noroeste ibérico, Dactilys glomerata subsp. izcoi.

    Obrigados aos autores por disponibilizar unha copia dixitalizada deste traballo de difícil acceso.  

    Ortiz S. and Rodríguez-Oubiña J. 1993. Dactylis glomerata subsp. izcoi, a new subspecies from Galicia, NW Iberian Peninsula. Ann. Bot. Fennici 30: 305-311.

    Descargar Engadido o