A clásica e ben coñecida poboación de Nymphoides peltata de Caldelas de Tui podería, ao meu xuizo, estar en perigo pola proliferación na lagoa de 2 especies invasoras. Existe unha grande mancha de Ludwigia que ocupa unha boa parte da superficie da lagoa en toda a beira occidental, que é onde está situada a Nymphoides peltata. Ademais, apréciase por debaixo da superficie máis alá do borde da Ludwigia outra planta, que creo que pode ser Egeria densa.

Nymphoides peltata ten un escaso número de poboacións no río Miño (as únicas, que eu saiba que quedan na Península Ibérica), e penso que se debera estudiar e ver que se pode facer para axudar/salvar esta poboación antes de que sexa demasiado tarde