Perfil

  • Microrreservas de Flora de Fisterra  

    As Microreservas de Flora pretenden ser un modelo pioneiro de actuacións que sirva de referencia para futuros proxectos no ámbito litoral da Rede Natura 2000 na Galicia costeira. Inclúense varias liñas de actuacións dirixidas á protección física de espazos con  balizado e delimitación (sempre permeable e estético) das microrreservas e o plantado de sebes vivas, a instalación de sinaléctica informativa para a divulgación, a mellora do medio abiótico sobre o que se sitúan os hábitats (por xemplo, a corrección de perfís dunares con Ammophila arenaria de procedencia local), a mellora das condicións bióticas mediante eliminación de especies alóctonas invasoras e con actividades de restauración da comunidade vexetal con recollida de semente e replantado, favorecendo o incremento de biodiversidade. Nun caso particular (Mar de Fora), ensáiase a reintrodución a partir de material de núcleos próximos de plántulas da especie ameazada Alyssum gallaecicum,  para recuperar a poboación que ten desaparecido nas últimas décadas. 

  • Identificación de Plantas vasculares.  

    A posibilidade de subir observacións sen identificar crea un fluxo de traballo para os editores que en ocasións non pode ser atendido de inmediato. Creamos este proxecto co obxectivo de manter ordeadas ás observacións de plantas vasculares non identificadas, e que así os editores especialistas neste grupo podan na medida que as imaxes o permitan, ir resolvendo a identificación. 

  • Rumex rupestris, colabora e localiza.  

    Geolocalização colaborativa de Rumex rupestris na costa galega. Também será de interesse colocar informação de núcleos costeiros das espécies de Rumex susceptíveis de hibridar com R. rupestris, nomeadamente R. conglomeratus e R. crispus. Os datos aportados parsarán a formar parte da base de datos para o proxecto "Rumex rupestris, especie en peligro de extinción. Gestión integrada de la interdependencia Islas-Continente para su conservación en el Parque nacional de las ilas Atlánticas. Reintroducción en la Isla de Ons" financiado por la Fundación Biodiversidad.

  • Rede Galega de voluntariado ambiental para a identificación e localización de EEI  

    A educación auténtica, non se fai de A para B ou de A sobre B senon de A con B.                                         Paulo Freire         

    Mediante este proxecto promovido por ADEGA (asociación para a Defensa Ecolóxica de Galiza) en colaboración coa plataforma Biodiversidade.eu preténdese potenciar o papel do  voluntariado ambiental  no campo das EEI. A través de este proxecto o voluntariado identificará e localizará es EEI presentes  no noso pais, o que permitirá obter unha radiografía actual da presenza destas especies na Galiza, así como unha detección temperá de especies potencialmente invasoras.

    Tratase dun proxecto colaborativo que complementa as distintas actuacións que dende ADEGA (www.adega.gal) se están a desenvolver para amosar a cidadanía a problemática das EEI.

  • Especies alóctonas da Terra Cha  

    Con este proxecto preténdese facer un inventario das especies invasoras existentes na área da Terra Cha e establecer un protocolo de traballo para a súa eliminación. Proxecto desenvolvido polo Grupo de Especies Invasoras da Asociación Galega de Custodia do Territorio. As especies obxectivo serán:

    • Cortaderia selloana
    • Buddleja davidii

     

  • Biodiversidade do Barbanza  

    As distintas paisaxes que  conforman a comarca do Barbanza,  dende os sistemas dunares, até as altitudes de máis de 600 metros dos altos da serra do mesmo nome, acollen un elevado número de especies de flora e fauna. Con este proxecto pretendemos reunir a información dispoñible desta rexión de alto valor ecolóxico. 

  • Fitofaladoiro  

    Organizado polo Instituto da Lingua Galega e o Herbario da Universidade de Santiago de Compostela, coa colaboración de todo o público que queira participar.

    http://fitofaladoiro.eu