O deseño da web foi financiado como actividade do proxecto BIODIV_GNP na convocatoria POCTEP (2010-2013) , dende o momento da súa creación o grupo de investigación que lideraba o proxecto "G. I. Biodiversidade e Conservación de Plantas Vasculares" asumimos as tarefas de administración da web. Co apoio na área técnica por A Navalla Suíza S.L., empresa contratada para o deseño, e de usuarios que se teñen ido sumando ao grupo de editores para os procesos de validación de observacións e actualización do catálogo de especies.

O período de execución do proxecto de orixe rematou,  polo que no momento actual estamos a explorar novas vías de financiamento. Entre as distintas posibilidades vimos de incluir a de realizar achegas directas por parte da comunidade de usuarios.

Creamos este espazo para informar do estado de contas e das melloras que se irán implementado. Se tes algunha suxerencia ou dúbida non deixes de contactar connosco, info@biodiversidade.eu