Brachytron pratense (Müller, 1764) é un odonato que habita principalmente o centro e norte de Europa, sendo moi rara e localizada no sur do continente (Dijkstra & Lewington, 2006). A pesar desta ampla área de distribución, na Península Ibérica é unha especie rara, localizada e pouco abundante. Sen embargo, a costa galega mantén un bo número de poboacións tendo en conta o contexto ibérico, polo que se mostra como a zona de maior importancia para a especie na Península. Sen embargo, algunhas poboacións galegas están en perigo de desaparición polo deterioro do seu hábitat, estremo que xa ten sucedido en Cataluña e Andalucía.

Este odonato é un pequeno Anisóptero que adoita ser confundido con algunhas especies do xénero Aeshna, pero o abdome é moito máis curto. Os adultos posúen un tórax moi piloso e uns apéndices anais estreitos e longos.

Páxina da especie en Biodiversidade Ameazada: Brachytron pratense (Müller, 1764)

Mapa da especie en Biodiversidade Ameazada: Mapa de Brachytron pratense en Galicia

Artigo sobre a especie de: Francisco J. Ocharan, Antonio Torralba Burria & David Outomuro

Fotografías e información da especie no blog de Libeliñas de Galicia: Libeliñas

O 21 de marzo de 2016 ADEGA asina un acordo de custodia do territorio cos propietarios e propietarias da parcela da Zarra da Pena, unha finca de 20Ha situada no corazón do ZEC Sobreiral do Arnego.

Dende aquela véñense desenvolvendo actividades de divulgación, inventariado e participación socioambiental para a conservación da biodiversidade deste Espazo Natural Protexido.

No 2018 ADEGA ven de recibir unha axuda da Fundación Biodiversidad para desenvolver actuacións de divulgación, estudo e conservación no Sobreiral do Arnego.  As accións desenvolveranse na parcela A Zarra da Pena e na contorna do río Arnego. Realizaranse no marco do proxecto inventariados de flora e fauna, recuperación de elementos naturais e etnográficos asi como actividades de voluntariado ambiental.

Os Sobreirais do Río Arnego constitúen un espazo natural que está incluído dentro da proposta da Rede Natura 2000. Este espazo conta cunha superficie de 1.537 ha e localízase nos termos municipais de Agolada, Lalín e Vila de Cruces, na provincia de Pontevedra.

O proxecto inclúe unha serie de accións de custodia tanto forestal coma fluvial, a través da participación de voluntarios ambientais, destinadas á recuperación de hábitats e á mellora da biodiversidade en ambientes naturais suxeitos a usos tradicionais. Debido ao abandono das actividades vinculadas ao mundo rural, observamos o deterioro das especies obxectivo, todas protexidas e algunhas endémicas, cuxas poboacións pretendemos recuperar, promovendo o seu coñecemento e valor.

Introdución

Os cabaliños da auga e libeliñas pertencen a un grupo de insectos presentes na Terra desde hai millóns de anos, enchendo de cores as augas do noso medio natural. Como testemuñas dos valiosos hábitats que ocupan, sérvennos de guías para estudar os ríos e augas remansadas do noso territorio, e avísannos dos perigos que están a sufrir tanto eles como os ecosistemas que ocupan.

As libélulas son animais moi atractivos, sinxelos de observar e identificar. Sen embargo, existen moitas lagoas sobre a súa distribución, selección de hábitat, comportamento, etc, polo que consideramos de interese a creación dun punto de recollida de datos deste interesante grupo de insectos.

Obxectivos

• Recollida de observacións de libélulas dentro do territorio galego.
• Dar a coñecer ás diferentes especies de odonatos galegos, así como as pautas para a súa identificación, para permitir aos naturalistas interesados coñecer, identificar e saber máis sobre este atractivo grupo.
• Coñecer os pasos a seguir para á observación e respecto por este grupo.
• Sensibilizar sobre o interese de conservar ós odonatos e os seus hábitats.