Este Domingo 8 de Xuño preséntase na Eira da Xoana en Ramil (Palas de Rei), a campaña "Cousas de Raíces" promovida por ADEGA. Esta campaña ten como principal obxectivo protexer as masas de bosque autóctono, promovendo o seu coñecemento e potenciando o seu valor como recurso e as posibilidades de criazón de emprego.  Pretenden así crear unha rede de comunicación que exerza presión mediática nas administracións responsabeis, para forzar o cumprimento das normativas existentes para a conservación do bosque autóctono.

O proxecto está aberto a todos os colectivos, organizacións e persoas que así o desexen. Máis información en cousaderaices@adega.info e http://adega.info/

Dende biodiversidade.eu seguiremos atentos á evolución deste proxecto e colaboraremos no posíbel.