O mapa

Podes consultar a distribución das especies do catálogo no territorio de Galiza e o norte de Portugal, ademais de filtrar as observacións por distintos criterios como o ano, a zona ou o nivel de ameaza. A cada unha das especies que selecciones no menú lateral asígnaselle unha cor, para que sexa máis fácil identificala no mapa. Podes engadir ou eliminar especies facendo clic directamente sobre elas, e podes ver até un máximo de catro especies de xeito simultáneo. Unha vez teñas a túa selección feita, podes exportar todos estes datos facendo clic en Exportar.

Tes varias opcións de visualización do mapa (satélite, mapa, relevo) e da localización das especies (puntos e cuadrículas UTM). Explora todas estas opcións nos menús do mapa. Na parte inferior podes ver unha ficha de cada unha das observacións que estás a ver de xeito simultáneo no mapa.

As observacións

Se atopas unha das especies do catálogo, ameazadas ou non, podes dar conta dela para o resto dos/as usuarios/as creando unha nova observación para esa especie. Tan só terás que darnos uns datos básicos: lugar, data e unha imaxe, para que pase a formar parte do noso arquivo. Tamén temos á túa disposición unha ficha moi completa para que indiques, a maiores, toda a información que queiras segundo o teu nivel de coñecemento.

Cada unha das especies do catálogo ten asociados todas as observacións, xeolocalizadas, que se fan dela para consultar con datos reais como se distribúe no territorio de Galicia e norte de Portugal.

Rutas

Consulta as rutas de sendeirismo creadas polos usuarios/as de biodiversidade.eu e crea as túas propias. A elas podes asociar as especies das que se poden facer observacións durante o camiño. 

Crear a túa rota é moi sinxelo: vai á sección de Rutas e espazos e preme no botón Crear > Ruta. Na seguinte páxina só tes que debuxar sobre o mapa o percorrido, empregando a ferramenta Punto, e indicar uns datos moi básicos. Explicámosche todo o que necesitas saber no propio formulario.

Espazos

Crea os teus propios espazos ou áreas de estudo na sección de Rutas e espazos. Podes asociar imaxes e especies a eles, ademais de sinalar outra información de interese como fontes, monumentos ou vistas, ou asocialos aos teus proxectos de investigación na web. Podes crear un novo espazo dende o botón Crear > Espazo. No formulario explicámosche ao detalle como facelo.