Biodiversidade Ameazada é unha plataforma de traballo contra a degradación dos hábitats naturais de Galiza e o Norte de Portugal, unha ferramenta para estudar os desafíos que presenta este territorio e facilitar a creación de novas estratexias conxuntas de conservación, xestionadas dende ambos lados da fronteira. 

Podes consultar toda a información da plataforma sen estar rexistrado/a, agás a dos proxectos de investigación, que son privados. Podes rexistrarte para participar, comentar, subir datos, crear proxectos, publicar nos blogs... Só necesitas indicar o teu correo electrónico e nome de usuario. A que agardas?

Quen pode rexistrarse?

Tanto se es afecionado, como iniciado ou experto, tan só tes que rexistrarte para entrar na área de traballo e comezar a explorar todas as posibilidades que che ofrece. Esta é unha plataforma de traballo con múltiples utilidades, aberta a todas as persoas que teñen interese neste campo e de xeito independente ao seu nivel de coñecemento. 

Perfís de usuario

Queres colaborar en biodiversidade.eu? Explicámosche que podes facer segundo o tipo de usuario que sexas e como podes pedir o cambio:

1. Usuario básico

Unha vez rexistrado, podes introducir datos na web usando as ferramentas de crear observación, roteiro, ameaza... Dende o teu perfil podes comunicarte co resto de usuarios/as e participar en fíos de comentarios e debate. Ademais, podes exportar a maioría dos contidos da web en formato .csv (distribución de especies, rutas, áreas...).

2. Usuario avanzado, importador masivo de datos

Despois de solicitar a un editor/a o acceso a este perfil, tamén poderás incorporar bloques de información á base de datos. Para iso, debes empregar unha táboa .csv que teña a mesma estrutura que a que che proporcionamos como exemplo.

Podes pedir este permiso xusto cando te rexistras (marcando a opción Quero importar bloques de datos á web) ou xa dende o teu perfil. Cando o fagas, escolle o editor/a asociado/a ao tipo de observacións que vas subir á web. Será o encargado/a de validalas ou editalas despois de facer unha revisión.

3. Editor

Revisan as observacións e toda a información subida polos outros usuarios, especialmente os da súa área taxonómica de coñecemento. Tamén validan as obsevacións e dan os permisos de usuario avanzado a aquelas persoas que o solicitan.

Se es investigador, mestre, catedrático ou naturista cunha formación demostrable podes pedirnos que te deamos de alta como editor/a enviándonos un correo electrónico a info@biodiversidade.eu. 

4. Administrador

Acceden ao sistema de administración interno da páxina e asignan os permisos aos editores.