O Grupo Naturalista Hábitat e a Reserva da Biosfera Mariñas Coruñesas e Terras do Mandeo organizan unha xornada sobre o Gato Bravo en Galicia. Esta especie, Felis sylvestris foi escollida como especie do ano 2014 na Reserva da Biosfera Mariñas Coruñesas e Terras do Mandeo (MCeTM), co obxectivo de ampliar a información sobre a distribución e abundancia desta especie no territorio da Reserva, e en Galicia.

Dentro desta iniciativa que integra os aspectos de estudio científico e divulgativos, veñen realizando distintas actividades, como a edición dun tríptico informativo, a colocación de cámaras de fototrampeo na Reserva, a campaña de recollida de citas, tanto históricas como actuais, ou a publicación dunha páxina web http://gatobravo.weebly.com, onde recompilar e poñer a disposición do público información sobre esta especie

Parte dos resultados destes traballos se presentaran na  xornada sobre o gato bravo en Galicia, que terá lugar o sábado 4 de outubro, no Forum Metropolitano da Coruña (rúa Río de Monelos 1).

A asistencia é aberta para todos os interesados e gratuíta. Só é preciso inscribirse enviando un correo a gnhabitat@yahoo.es.

O programa é o seguinte:

09:30 - Un gato con cola de zorro. Carlos Nores (Universidad de Oviedo)

10:45 - El gato montés en la cordillera cantábrica. Héctor Ruiz (Proyecto gato montés)

12:00 Descanso

12:15 - O gato bravo en Galicia. Xosé Pardavila (Grupo de Estudio dos Animais Salvaxes, G.E.A.S.)

13:30 - O gato bravo na Reserva da Biosfera Mariñas Terras do Mandeo. Grupo Naturalista Habitat.