Os días 24 e 25 de outubro do 2015 realizaremos dúas actividades sobre as microrreservas de flora. O día 24 de outubro, de 16:30 a 19:30 teremos a xornada As Microrreservas en Galicia: unha proposta de conservación que se realizará no CPI Poeta Uxío Novoneyra de Seoane do Courel.

O día 25 de outubro do 2015, de 11:00 a 18:00, realizaremos unha visita ás Zonas de Alto Valor Natural da Serra do Courel para disfrutar dos grandes valores ambientais desta zona. A actividade comezará ás 11:00 en Seoane do Courel e achegarémonos ata as microrreservas de Monte do Cido e do Alto do Couto, observando e fotografando as diferentes especies de flora e fauna atopadas. Estas fotografías poderán subirse ó portal Biodiversidad Virtual para que sexan identificadas e crear unha lista completa das especies observadas en cada unha das microrreservas visitadas.

Como tódalas actividades que se realizan no campo, é necesario levar comida e auga para o xantar e tamén roupa e calzado adecuado. É necesario a inscrición nas actividades (a unha soa ou ás dúas) no correo electrónico custodiadoterritorio@gmail.com (indicar nome, teléfono e correo electrónico). Máis información en custodiadoterritorio@gmail.com/630-94.82.93/620-59.38.92.