Entre as actuacións a desenvolver polo Concello de Fisterra na actividade “Microrreservas de flora na ZEC Costa da Morte. Actuacións para preservación e mellora dos hábitats e da paisaxe rural litoral con implicación da poboación local de Fisterra” contémplanse a restauración de perfís de duna degradados polo tránsito humano.

As actuacións programadas son necesarias en tres puntos concretos, localizados nas propias microrreservas ou na súa área de influencia, Estes traballos complementan as actuacións de eliminación de Especies exóticas invasoras, valado perimetral e revexetación de zonas de reserva de flora no Rostro, Arnela e Mar de Fora, así como a colocación de paneis informativos nos accesos a ditas praias.

Centraranse maioritariamente na revexetaciónd as áreas degradadas, con plantón de Ammophila arenaria. O obxectivo  é reducir a erosión e, ao tempo, contribuir a desviar os visitantes cara aoc amiño principal. As plantas de Ammophila arenaria serán obtidas na propia praia, por entresaca de zonas de elevada densidade. Será prospectada a zona en busca de individuos axeitados, nestes exemplares será extraida parte dos cauless ubterráneos (rizoma), que se subdividirán para plantar individualmente na zona a restaurar.

Estas actuacións será complementadase nun futuro coa plantación de exemplares de, Cakile maritima e Elytrigia juncea, procedentes de áreas de elevada densidade do entorno así como coa introdución de exemplares de especies arbustivas xunto con herbáceas características do hábitat (Gracia &Múñoz, 2009) e abundantes no entorno: Scrophularia frutescens, Helichrysum serotinum subsp. picardii, Iberis procumbens e e diversas especies do xénero Euphorbia..

O día 23 de maio de 2017, terá lugar a primera das xornadas de restauración do perfil dunar. Se estás interesado/a en participar contacta no teléfono 650 261 283 / 981 57 00 99 ou por correo electrónico viqui@adega.gal, posto que é necesario inscribirse previamente.