Herba de 10-37 cm, de base leñosa, estolonífera. Caules con indumento denso na parte superior, con pelos antrorsos ou case aplicados, ás veces con pelos nos cantos, outras veces glabrescentes ou arruibados con pelos esbrancuzados.

Folhas 3,5-11,3(18) × 0,8-3,1 cm, ± divididas, xeralmente con 1-2 lacinias a cada lado, lobuladas ou dentadas, ás veces lanceoladas, sobre todo as da parte basal, que costuman ser enteiras, ± pilosas, sobre todo na páxina inferior e nervos, ás veces con pelos esbrancuzados; pecíolo 1-5 (6,5) cm.

Inflorescencia 1,7-5,3 × 1,4-2 cm, formada por 3-9 verticilastros, en xeral cilíndrica, con dúas follas subxacentes. Brácteas ‭8-14 ‭× ‭12-16 mm (Olho, Flora Iberica tem um erro duma ordem de magnitude aqui), largamente ovadas, acuminadas, con nervación reticulada, con lezna de ‭0,5-0,6 mm, xeralmente curvada, cor verde pálida, ás veces cor púrpura.

Flores con pedicelo de ‭2-3 mm. Cálice ‭8-10 mm; tubo con ‭13 nervos, con pelos dispersos e rexos nos nervos, densamente piloso na parte basal; labio superior con ‭3 dientes de c. ‭1 mm, xeralmente reducidos a apículos; labio inferior ‭6,5-8 mm e fendedura entre os ‭2
dentes de ‭2,5-3,5 mm, con cilios nos dentes inferiores e nas marxes laterais do labio superior.

Corola ‭14-16 mm, cor branco ou creme, ás veces púrpura, con labio superior de ‭3-6 mm, con labio inferior co lóbulo central de ‭2-3 mm, ás veces de marxe fimbriada, con lóbulos laterais máis pequenos.

Núculas c. ‭1,8 ‭× ‭1,2 mm, trígonas, lisas, cor castaña clara, con apículo esbrancuzado. As núculas terían o apículo curvado en dirección ventral (Martín Mosquero & Pastor, 2004; Torres & Puntieri, 2014).

(descrición baseada em Morales (2010), en Flora Iberica) ‭

2n =30 (Flora Iberica)

Pode hibridar con P. vulgaris ali onde conviven,:

P. laciniata ‭× P. vulgaris
P. ‭× intermedia Link in Ann. Naturgesch. ‭1: ‭32 ‭(1791), pro sp.
P. ‭× pinnatifida Pers., Syn. Pl. ‭2: ‭137 ‭(1807), pro sp.
P. ‭× hybrida Knaf in Lotos ‭14: ‭84 ‭(1864)

Autores da ficha: M. Serrano

Martín Mosquero, M. A.; R. Juan & J. Pastor. 2004. Observaciones macromorfológicas y anatómicas en núculas de Prunella L. y Cleonia L. (Lamiaceae) del suroeste de España. Acta Botanica Malacitana 29: 203-214.

MORALES, R. (2010). Prunella L., en CASTROVIEJO S., AEDO, C., LAÍNZ, M., MUÑOZ GARMENDIA, F., NIETO G., PAIVA. J. & BENEDÍ, C. (eds.), Flora Ibérica: plantas vasculares de la Península Ibérica e Islas Baleares., vol. 12, pp. 445-451. Madrid: Real Jardín Botánico, CSIC.

TORRES, C. D., & PUNTIERI, J. G. (2014). Prunella laciniata (Lamiaceae), new record for the Argentinean flora. Darwiniana, 2(2), 243–247.