Herba de 5-60 cm, rizomatosa, deitada ou erecta. Caules radicantes, ás veces cos cantos arruibados e caras de cor ± castaño, con pelos esparsos, sobre todo nos cantos, con pilosidade máis densa na parte superior.

Folhas 1,7-9,6 × 0,4-3,6 cm, ovadas, triangular-ovadas ou elípticas, de agudas a redondeadas, enteiras, ás veces con dentes rudimentarios ou festoneadas, dispersamente pilosas pola face, case glabras pola páxina inferior ou con pelos nos nervos, con face verde escura e páxina inferior máis clara; pecíolo 0,2-2,2 mm.

Inflorescencia 1,3-7,5 × 1-1,5 cm, formada por 4-11 verticilastros, xeralmente cilíndrica, con dúas follas subxacentes, sobresalientes. Brácteas ‭6-13 ‭× ‭8-15 mm, largamente ovadas, acuminadas ou alesnadas, con lezna de ‭2-3,5 mm, con nervadura reticulada, pilosas pola páxina inferior, ciliadas, cor ‭± púrpura.

Flores con pedicelo de c. ‭2 mm. Cálice ‭7-9 mm, que sobresae das brácteas, polo menos, a metade do seu comprimento; tubo con ‭12 nervos, na parte dorsal, con nervos transversais; labios c. ‭5 mm, con dentes superiores de c. ‭1 mm, cor púrpura na súa parte superior, con fendedura entre os dentes inferiores de ‭2-2,5 mm, ciliados.

Corola ‭11-12 mm, cor púrpura, branca na súa parte basal; labio superior ‭4-5 mm; labio inferior ‭2-3,5 mm, con lóbulos laterais máis pequenos e estreitos que o central.

Núculas ‭2,2-2,3 ‭× ‭0,9-1,1 mm elipsoides, con apículo prominente e esbrancuzado, cor castaña clara, brillantes, con nervos lonxitudinais máis escuros. (descrición baseada em Morales (2010), en Flora Iberica) . As núculas terían o apículo recto (Martín Mosquero & Pastor, 2004; Torres & Puntieri, 2014)

2n ‭= ‭28, ‭30. (Flora Iberica)

Autores da ficha: M. Serrano

Martín Mosquero, M. A.; R. Juan & J. Pastor. 2004. Observaciones macromorfológicas y anatómicas en núculas de Prunella L. y Cleonia L. (Lamiaceae) del suroeste de España. Acta Botanica Malacitana 29: 203-214.

MORALES, R. (2010). Prunella L., en CASTROVIEJO S., AEDO, C., LAÍNZ, M., MUÑOZ GARMENDIA, F., NIETO G., PAIVA. J. & BENEDÍ, C. (eds.), Flora Ibérica: plantas vasculares de la Península Ibérica e Islas Baleares., vol. 12, pp. 445-451. Madrid: Real Jardín Botánico, CSIC.

TORRES, C. D., & PUNTIERI, J. G. (2014). Prunella laciniata (Lamiaceae), new record for the Argentinean flora. Darwiniana, 2(2), 243–247.