Planta endémica descuberta e descrita polo botánico galego Francisco Javier Silva Pando en 1987. Sobre rochas básicas (gabros principalmente) e ultrabásicas. Hemicriptófita con vástagos rosulados. En altitudes dende 380 a 540 metros. Planta perenne con estolóns subterráneos, acaule a subacaule. Follas dispostas en roseta, enteras, lobadas o pinnatisectas. Capítulos de hasta 4 cm de diámetro. Brácteas suborbiculares con recia espiña punzante. Corola amarilla o alaranxada. Aquenios grandes, comprimidos lateralmente con vilano curto, finalmente caedizo.

2n = 66

Polinización entomófila especializada principalmente por abellóns do xénero Bombus e abellas. Floración: Maio-Xuño. Fructificación: Xullo-Agosto. Dispersión das sementes principalmente por formigas tendo tamén un papel secundario as correntes auga (Mirmecocoria e Hidrocoria accidental).

O promedio de fructificación é duns 15 froitos por vástago. A xerminación en condicións óptimas de laboratorio é aproximadamente do 30%, sendo moi inferior nos medios onde habita. A taxa de supervivencia das plántulas é tamén moi baixa. Por tanto a reproducción desta especie ten lugar principalmente por fragmentación de rizomas radiculares subterráneos.

Restrinxida na área dos Montes do Castelo; Concellos de Carballo, Coristanco, Santa Comba, Tordoia e Val do Dubra

Claros de matogueiras en xeral pouco desenvoltos, de escasa talla ou queimados periódicamente, taludes e beiras de camiños (Ulici europaei-Ericetum cinereae, Cirsio filipenduli-Ericetum ciliaris e Carici binervis-Ericetum ciliaris).

As especies acompañantes máis frecuentes son: Lithodora prostrata, Ulex europaeus subsp. europaeus, Erica cinerea, Erica umbellata, Erica ciliaris, Pteridium aquilinum, Pterospartum tridentatum, Pseudarrhenatherum longifolium, Arenaria montana, Agrosti curtisii, Rubus sp. etc

"Centaurea ultreiae" Silva Pando, sp. nov. ("Compositae") del noroeste de España. Consejo Superior de Investigaciones Científicas, CSIC: Real Jardín Botánico (1987). http://vufind.uniovi.es/Record/ir-ART0000285900/Details

Nuevas localidades y una nueva variedad de Centaurea ultreiae Silva Pando (Compositae). Francisco Javier Blanco-Dios. Acta Botanica Malacitana pax 242-244 (2002). http://www.biolveg.uma.es/abm/volumenes/vol27/27_blancodios.pdf

Xénero Centaurea en Flora Ibérica: http://www.floraiberica.es/floraiberica/texto/pdfs/16_159_029_Centaurea.pdf