Justification

Xustificación: os poetas teñen nas plantas unha fonte de inspiración, ben na beleza das flores…: 

“Sonhei com lúcidos delírios

À luz de um puro amanhecer

Numa planície onde crescem lírios

E há regatos cantantes a correr.”

Sophia de Mello Breyner Andresen (Portugal 1919-2004)

ou ben nas paisaxes e inmensidade dos bosques:

Courel dos tesos cumes que ollan de lonxe!

Eiquí síntese ben o pouco que é un home.

Augas brancas da Rogueira!

Bouzas pechas d'uces e xestas!

Abrairas teixos faias xardois e reboleiras!

Outo bosco calado!

Fontiñas do corzo!

Carrozos de picafondo!

Non hai outro tempo máis vasto

nin outro credo

que este silencio

Uxío Novoneyra (Galicia, 1930-1999).

Nesta actividade propomos unha aproximación á poesía e ás plantas empregando haikus. Os haikus (no Brasil, hikai) son un tipo de poemas curtos tradicionais de Xapón relacionados coa natureza (as estacións, as plantas...). Teñen unha estrutura de só tres versos sen rima.

Velaquí un exemplo:

Porque não sabemos o nome

Tenho de exclamar apenas:

“Quantas flores amarelas!”

Paulo Franchetti (Brasil, 1954)

Development

• Presentaremos o panel/diapositivas ou daremos enderezos para ver imaxes.
• Motivaremos o alumnado para que faga as súas propias obras.
• Compartiremos as creacións lendo por quendas.

Objectives

• Recoñecer o valor simbólico das plantas nas artes.
• Estimular a creatividade e a expresión artística.

Competences

• Competencias en comunicación lingüística.
• Competencia social e cidadá.
• Competencia cultural e artística.
• Autonomía e iniciativa persoal.

Duration

Material

• Papel
• Opcionalmente, pódese preparar un panel (ou un grupo de diapositivas) con imaxes bonitas de plantas e vexetación (ver recursos).
• Opcionalmente, pódense buscar poemas sobre plantas (ver recursos).
• Como alternativa, pódese dar acceso á internet para procurar imaxes bonitas (ver recursos).

Resources

• Grupos de Flickr dedicados á botánica e ás flores dos cales podemos tirar fotografías:
• http://www.flickr.com/groups/48889066957@N01/pool/
• http://www.flickr.com/groups/plantimages/pool/
• http://www.flickr.com/groups/flowercloseups/pool/

• Ligazón a unha páxina con diversos haikus de poetas do Brasil e outros países de América do Sur: http://seabra.com/haikai/