Blogue para a actividade de avaliación continua sobre a Flora Urbana ou Periurbana da materia de Xeobotánica (4º curso, 2023-2024 do grao en Bioloxía da USC). 
O blogue é un recurso pedagóxico para fomentar a participación en grupo mediante o traballo cooperativo, facilitando o fluxo de información entre docente e alumnado, así como a monitorización dos avances. Segue a metodoloxía pedagóxida do ensino situado. 
Cada grupo empregará este blogue para entrega o seu traballo, realizando ben unha única entrada ou ben varias entradas ao logo do tempo, de forma que se van presentando os aspectos que o grupo quere destacar sobre unha especie, como mínimo, da flora urbana ou perirubana de Santiago de Compostela e sobre o seu hábitat. É necesario abranger aspectos evolutivos, ecolóxicos, bioxeográficos (por exemplo, do seu contexto filoxenético) así como aspectos relativos aos servizos ecosistémicos da especie, de especies relacionadas ou da comunidade vexetal da que fai farte. 
 
A especie principal non poderá repeterse entre grupos. 
 
Os grupos serán de 4 persoas, adoptando cada unha delas un tipo de rol e responsabilidade: rol mapeador, rol ecolóxico, rol evolutivo e bioxeográfico e rol eco-social. 
 
O blogue está asociado ao proxecto Flora Urbana de Compostela.  
 
https://biodiversidade.eu/proxecto/flora-urbana-de-compostela/ 
 
As persoas do grupo terán que incorporar á base de datos observación xeolocalizadas e con unha fotografía da especie (ou especies) escollida, asociando a observación a este proxecto. 
  
A entrada poderá incluir nformación en forma de ficha, seguindo as seccións que marcha unha ficha típica de www.biodiversidade.eu. Podedes seguir o modelo da ficha de Santolina melidensis, que podedes encontrar neste link:   
 
https://biodiversidade.eu/especie/santolina-melidensis-rodr-oubina-aamp-s-ortiz-rodr-oubina-aamp-s-ortiz/) 
Mais importante é salientar os aspectos máis arriba comentados, idealmente contextualizados co que se imparte na materia Xeobotánica e recollendo e citando as fontes, sexan estas traballos científicos, divulgativos ou testemuñas orais. 
 
É interessante incorporardes unha visión da situación da especie en Santiago de Compostela e realizardes algún tipo de proposta para fomentar a presenza da especie e da súa comunidade na cidade, e desenvolver os servizos ecosistémicos que pode ofrecer portencialmente.