Características desta planta (Según criterios de Flora Ibérica): Tallo filamentoso: Propio de Reseda media. Folla glabra e papilosa: Propio de R. phyteuma. Sépalos das fotos: "de linear-espatulados a obovado-oblongos": Propio de R. phyteuma, R. media ten sépalos: obtusos, lineares ou linear-lanceolados, incompatible coas fotos desta cita. Cilios na marxe das follas: Non se recolle como característica propia nin de R. media nin de R. phyteuma. Hábitat Ruderal-Arvense. Igual R. phyteuma que R. media. Xeoloxía: R. phyteuma cítase como "preferentemente en solos básicos" pero hai en GBIF citas numerosas desta especie sobre solos silíceos. R. media é frecuente en solos silíceos. Tamaño (planta-follas-sépalos, flor): "de visu" a planta parece de maior tamaño que unha R. media típica. Non a medín nesta visita a este sitio, queda pendente para unha próxima visita ao sitio efectuar unha medición desta planta e buscar exemplares desta especie na zona máis próxima. Flora Ibérica tamén apunta que R. phyteuma é moi polimorfa, namentras que R. media carece desta referencia. En resumo, na miña opinión é compatible en todos os casos con R. phyteuma, xa que unha das súas características é ser moi polimorfa. Iso explicaría o tallo filamentoso e máis os cilios na marxe das follas. Namentras que R. media é unha especie bastante estándar, incompatible en varios puntos coas fotos da cita. Póñoa de momento en Reseda sp. á espera de visita de campo para conseguir os datos do tamaño deste exemplar. R. phyteuma tipicamente é maior en varias características que R. media. E poden engadirse máis características taxonómicas como "lacinias dos pétalos", "sépalos moi acrescentes na fructificación" e outras, para o debate.