2 individuos. Altura da planta: 9 cm. Diámetro da corola: 22 mm. Segmento central das follas, sempre sésil. Follas de cor verde escura pola cara. Algúns sépalos reflexos. Algúns sépalos con ampla marxe membranosa. Este último carácter é o que indica máis claramente que se trata de Ranunculus tuberosus e non de Ranunculus serpens xa que este último carece de marxe membranácea ou ben é moi pequena. Hai algunhas diferencias destas plantas na descripción de Flora Ibérica coas duas especies similares, R. tuberosus e R.serpens, por exemplo a presenza dalgúns sépalos reflexos, non todos son patentes aparece documentada en fotografías para as dúas especies con todos ou algúns sépalos reflexos. Asimesmo estas plantas presentan sépalos glabros e, pelos longos e escasos no tallo. Presentan asimesmo pelos cortos adspresos no pedicelo en vez de pelos longos patentes. Estas diferencias non impiden a súa identificación como R. tuberosus, ainda que as diferencias con R. serpens son escasas. A presenza de R. tuberosus, abundante e ben documentada no norte de Galiza, fai máis probable a presenza desta especie no Monte Pindo, como "outlier" na sua área de distribución.