Si, mirando mellor as fotos 1-3 parece Marta, efectivamente. Estiven a comparar o tamaño das orellas e a forma da cara/fuciño cunhas fotos que teño de marta e ten a mesma proporción. Semella bastante patilonga tamén, e a hora da observación correspóndese con Marta (a Garduña é moi nocturna). Retiro as miñas dúbidas.

Xa subín todos as fotos que tiña (algunhas non son moi boas, pero por si sirven para algún caracter que se me pasa por alto). A min este animal causoume e cáusame moitas dudas. Por unha parte o babeiro semella amarelo cando estaba na zona de sombra, pero cando lle deu o sol parecía branco. Ademais esa trufa negra apúntame máis a marta, e creo que se pode apreciar que o borde das orellas é máis claro. E subín a foto a un grupo de "natureza" de Facebook, e algúns argumentaron que parecía marta pola cara afiada. Tamén comentaron algo da boca aberta pero isto non sei se ten credibilidade. O Facebook desde logo non o conto como opinión de experto, pero pode axudarche a inclinarte por unha opción ou outra. Ademais teño lido que as martas son máis arborícolas e que son máis doadas de ver que as garduñas, pero isto tampouco sei ata que punto é verdade, e a observación foi feita ás 13 horas, e no rato que estiven alí subiuse polo menos a tres árbores.

O babeiro semella branco (de garduña). Non tes máis fotos?