Trátase do mesmo individuo que citou Adrián Bartolomé en Decembro de 2019. https://biodiversidade.eu/avistamento/corema-album-l-d-don-6/ Percorrín extensamente as dunas grises de Traba en busca de máis exemplares de Noreste cara Suroeste primeiro e despois á inversa por distintos lugares. Corema album ten unha cor verde brillante característica que fai que se distinga mesmo a distancia facilmente, incluso de Daphne gnidium que é o máis parecido (visto a distancia) que se pode ver no sitio. Non atopei ningún outro exemplar. Esta planta a principios de Xuño non presenta nin rastro de flores nin froitos o que pode indicar que non hai, polo menos ate o momento individuos da mesma especie e distinto sexo cercanos para que fructifique (a especie é dioica). Podería tratarse dun exemplar illado que chegou a xerminar neste areal mediante excrementos de paxaros, a dispersión da especie é zoócora.