Moi preto da canteira de Campo Marzo SA, polo tanto poderia verse afectada en caso de ampliación desta, xa que aproveita o mesmo afloramento de serpentinitas. No caso de que se plantexe unha ampliación desta canteira é necesario evitar a destrucción desta poboación que está moi preto da corta actual. Bioxeograficamente neste momento supón o límite sur de distribución de Centaurea gallaecica sendo, a dia de hoxe, unha área disxunta. A poboación da mesma especie máis cercana coñecida son as serpentinas de Melide-Santiso. Hai áreas intermedias entre estes dous núcleos que teñen serpentinas (tamén rochas básicas) e, visto con Google Earth, algo de hábitat.