A vexetación acuática de xuncos, canaveiras e salgueiros está a ser progresivamente substituida pola expansión de diversas especies invasoras. Destaca a extensión que xa ocupa na actualidade a pradeira formada por varias especies do xénero Paspalum (P. dilatatum, P. vaginatum, P. paspaloides) que pode ser un grave problema para a poboación da especie ameazada Eleocharis parvula. 

Tamén resulta preocupante a abundancia de Stenotaphrum secundatum e a progresión que se observa de Gladiolus undulatus nos últimos anos.