Grupo de Observadores de Libélulas de Galicia

Código de proxecto: 12
Grupo de Observadores de Libélulas de Galicia
Anxos Romeo - ©

Introdución

Os cabaliños da auga e libeliñas pertencen a un grupo de insectos presentes na Terra desde hai millóns de anos, enchendo de cores as augas do noso medio natural. Como testemuñas dos valiosos hábitats que ocupan, sérvennos de guías para estudar os ríos e augas remansadas do noso territorio, e avísannos dos perigos que están a sufrir tanto eles como os ecosistemas que ocupan.

As libélulas son animais moi atractivos, sinxelos de observar e identificar. Sen embargo, existen moitas lagoas sobre a súa distribución, selección de hábitat, comportamento, etc, polo que consideramos de interese a creación dun punto de recollida de datos deste interesante grupo de insectos.

Obxectivos

  • Recollida de observacións de libélulas dentro do territorio galego.
  • Dar a coñecer ás diferentes especies de odonatos galegos, así como as pautas para a súa identificación, para permitir aos naturalistas interesados coñecer, identificar e saber máis sobre este atractivo grupo.
  • Coñecer os pasos a seguir para á observación e respecto por este grupo.
  • Sensibilizar sobre o interese de conservar ós odonatos e os seus hábitats.