O proxecto Divulgare, vén de obter recentemente un novo premio para un dos seus traballos audiovisuais de divulgación cientifica. Nesta ocasión a súa cortametraxe "Breaking the rules",  recibiu o premio no Festival de Cine Científico On Zientzia, de Teknopolis en San Sebastián. Un recoñecemento que se suma, aos que xa tiña recibido con anterioridade este traballo nos festivais Delhi Shorts International Film, Hollywood Shorts Reel e no Festival Ciencia en Acción. Divulgare é un proxecto da equipa do Grupo de Ecoloxía e Evolución de Plantas  da  Universidade de Vigo, que partindo da inquedanza de achegar os seus traballos científicos á sociedade, apostou pola fórmula de producción de videos(principalmente de animación 3D), nunha linguaxe sinxela e accesible para o público en xeral. Se non os coñeces todavía, visita  a páxina web do proxecto www.divulgare.net , nela entre outros contidos poderás visitar a súa canle de vídeo. Se te interesa o proceso de producción destes fermosos traballos tamén os podes seguir a través dun blogue específico divulgare.tumblr.com