O buscador

Tes varias opcións para buscar na web, segundo o tipo de contido que queres atopar:

1. Calquer contido | Para unha busca xeral, podes empregar o buscador que está no menú superior da páxina.
2. Especies | Para buscar unha especie concreta, recomendámosche que o fagas dende a sección Especies, onde podes elixir o modo de busca (mapa ou catálogo).
3. Observacións | Consulta as últimas observacións dende a sección que ten ese nome. Se queres ver todas as observacións dunha especie, podes ir á sección Especies e velas no mapa, ou ben buscar a súa ficha no catálogo.

Seguir contidos

Podes seguir especies, rotas e espazos para recibir un aviso cada vez que haxa novas ameazas, avistamentos ou modificacións. Ti escolles cales seguir e podes deixar de facelo cando queiras. Soamente tes que ir ao contido que estás seguindo e premer en Deixar de seguir.

Contidos validados e sen validar

Os contidos marcados como validados están revisados polos editores da web, expertos en botánica que avalan a verosimilitude da información sobre unha especie, rota, espazo ou avistamento. Os contidos que aparecen "sen validar", non foros revisados polos editores, polo que non se fan responsables da veracidade dos datos reflectidos neles. 

«Fixen unha observación, pero non sei ben que especie é...»

Non te preocupes. Seguro que alguén pode identificala por ti. Cando cubras a ficha de observación, marca a opción Non sei que especie é . O teu avistamento pasará á pestaña do catálogo Descoñecidas, e o resto de usuarios/as poderá asociala coa especie correspondente.

Imaxes e licenzas

Cando subas imaxes á web deberás indicar sempre a súa licenza, para que o resto de usuarios/as sepan como poden utilizalas ou se poden facelo. Esta é unha pequena guía para que as coñezas e poidas escoller a que mellor che pareza, ademais de como podes empregar as imaxes do resto de persoas.

a) Todos os dereitos reservados: non se pode usar a imaxe sen permiso expreso do/a autor/a. 

b) Creative Commons: libera a imaxe para que todo o mundo poida utilizala, pero hai algunhas condicións segundo a licenza. Sempre hai que indicar a autoría orixinal da imaxe. Hai varios tipos de Creative Commons:

• by | Recoñecemento. Pódese empregar a foto libremente, sempre que se indique a autoría orixinal.
• by-nc | Recoñecemento - Non Comercial. A foto pode usarse libremente, sempre que non se faga uso cormercial dela.
• by-nc-sa | Recoñecemento - Non Comercial - Compartir Igual. Pode usarse libremente, sempre que non haxa beneficio económico. No caso de facer obras derivadas, teñen que levar esta licenza.
• by-nc-nd | Recoñecemento - Non Comercial - Sen Obra Derivada. Non pode usarse de xeito comercial e está prohibido facer obras derivadas dela.
• by-sa | Recoñecemento - Compartir Igual. Pode usarse libremente, sempre que as obras derivadas leven esta mesma licenza.
• by-nd | Recoñecemento - Sen Obra Derivada. Pode usarse de forma comercial, pero está prohibido facer obras derivadas.

Tradutor automático

Podes traducir, de xeito automático, todas as descricións e campos de texto das especies, observacións, rutas, espazos... e tamén das novas (se es editor). Este tradutor só funciona se a caixa de texto está baleira. É dicir, se editas un texto que xa había, a tradución automática non se fará. Copia de novo o texto no campo baleiro para que esta funcione.