As ameazas

As ameazas son situacións de risco para unha ou máis especies, e a maioría delas son causadas polos seres humanos. Queremos ter constancia de todos estes tipos de ameaza que se producen en Galicia e o norte de Portugal. Calquera persoa rexistrada pode dar de alta ameazas para avisar á comunidade e as autoridades pertinentes. É tan sinxelo como encher un pequeno formulario e subir unha imaxe da ameaza. Unha vez a ameaza estea solventada, cambiará o seu estado a inactiva e pasará ao historial de ameazas.

Neste mapa podes consultar a xeolocalización de todo o arquivo de ameazas, activas e inactivas, e filtrar por distintas características: tipo de ameaza, lugar, data, especies ás que afecta... Ademais de ver o punto de orixe dunha ameaza ou os distintos focos, poderás sinalar todo o territorio ao que afecta delimitándoo cun polígono. Establecemos unha serie de tipos de ameazas, para facilitar a súa descrición:

• lume.
• obras e infraestruturas.
• labores e transformación agro-pecuaria.
• actividades extractivas, canteiras.
• especies invasoras.
• tránsito de vehículos.
• explotación forestal.
• alteración de medios acuáticos.
• contaminación.
• recolección.
• enfermidades e pragas.
• caza.
• competencia vexetación.
• abandono de usos tradicionais.
• erosión.
• compactación do solo / pisoteo.
• urbanización.
• seca estival.
• outros.

As iniciativas de conservación

Axúdanos a preservar a biodiversidade e loitar contra as ameazas organizando as túas propias iniciativas de conservación. É moi sinxelo, podes atopar o formulario para creala na sección de Conservación, nel explicámosche como facelo.