O vindeiro sábado 28 de novembro celebrarase uña xornada divulgativa sobre “Especies invasoras e a participación social” no museo Domus da cidade da Coruña. Esta actividade enmárcase no proxecto “Rede de voluntariado ambiental para a eliminación de especies invasoras en ecosistemas acuáticos”, que conta co apoio do Ministerio de Agricultura, Alimentación e Medio Ambiente, a través da Fundación Biodiversidad, alén de contar coa colaboración da concellería de Medio Ambiente do Concello da Coruña.

A xornada durará todo o día e haberá espazo para que distintos persoas de Galiza, Portugal e Cantabria dialoguen e debatan a cerca dunha problemática ambiental que hoxe en día está a ser a responsable da perda da biodiversidade mundial.

As especies invasoras son uña grande ameaza para a natureza que dun xeito silandeiro van desprazando e extinguindo a especies da nosa fauna e flora. Porén este grave problema é descoñecido pola meirande parte da cidadanía, que convive diariamente con estas especies foráneas e que moitas veces axuda de xeito inintencionado á súa dispersión.

Será un lugar de encontro para distintos expertas/os no mundo da investigación, da divulgación, do voluntariado e da custodia do territorio en torno a estas especies.

De mañá pronto do acto inaugural, haberá uña ponencia marco sobre a percepción social desta problemática ambiental. A seguir nunha mesa redonda, distintas científicos de universidades galegas e técnicos da Administración falarán da investigación e xestión destas especies.

Pola tarde a primeira mesa redonda versará sobre a divulgación destas especies e a percepción da cidadanía. Para rematar terá lugar uña última mesa de experiencias sobre as actividades de voluntariado ambiental e custodia do territorio na loita contra as bioinvasións.

A xornada é gratuíta e está aberta a todo o público. Para participar é preciso enviar a ficha de inscrición cuberta ao correo silvia@adega.gal, ou chamando ao
tlf. 981 57 00 99 (horario de mañá)