Situada a 25 metros aproximadamente do proxecto de ampliación da autovia A-59 (Treito: A Ramallosa - PO-841). De construirse a autovia, coa alternativa que pasa por este lugar, esta pequena poboación quedaria destruida pola alteración do seu hábitat inmediato. Nestes momentos (31 de Decembro 2020) está gravemente ameazada polo que foi obxecto de alegacións de ADEGA ao proxecto de ampliación da Autovia A-59 en Decembro de 2020. Depositouse prego de mostra no Herbario SANT e constatáronse as coordenadas exactas da planta. Esta planta está situada dentro da Rede Natura 2000. Constitúe novidade para esta especie na cadrícula UTM: 29TNH33, e tamén é a cita máis ao interior, actualmente, neste rango latitudinal polo que tamén ten certa importancia corolóxica.