Velaí unha desfeita recente, ao parecer asegún o meu informante provocada polo tractor enviado polo concello pra desbrocer a pista que dende hai anos fendeu o areeiro de Pantín. O tractor chegou asegún me informa a un punto onde non podía seguir adiante, pois había uns salgueiros impedindo seguir a línea de desbroce, e colleu polo duna adiante, no punto mesmo onde resistían os últimos matos de Corema album da colonia natural que representa a cota norte de distribución mundial. Tronzou a colonia, que case está afogada pola silvamar, Smilax aspera, e rebentou dous matos cumpridos de marmea, nome que por acó lle damos á camariña. Patético era ver como un cumprido pé de Dahne gnidium estaba perfectamente respetado, segado ao redor, como se o confundisen, non me extrañaría, cos pés de Corema album.