-Descrición e bioloxía:
-Nome común: Agulleira, reloxo, xeranio silvestre, alfilerillo, xeranio dos caminos, malva, etc.
-Nome científico: Geranium molle L.
-Phyllum: Tracheophyta
-Clase: Magnoliopsida
-Orde: Geraniales
-Familia: Geraniaceae
-Xénero: Geranium
-Forma biolóxica: Terófito
Planta herbácea de ciclo anual, moi ramosa, con varios talos erectos, ascendentes ou decumbentes de ata 60 cm, que posúen longos pelos eglandulares de1-2 mm, e outros máis curtos de menos de 0,5 mm, glandulares ou eglandulares. As follas basáis están longamente pecioladas e forman unha roseta persistente, coa lámina de 5-60 mm de anchura e contorno orbicular ou reniforme, palmatipartida (hendida un 50-70% da súa lonxitude), pelosa por ambas caras con pelos eglandulares e adpresos. Dita lámina está formada por 7-9 segmentos triangulares, e estes por 3-4 segmentos no seu ápice. Follas caulinares alternas, con peciolos e ata 14 cm e con igual indumento que os talos. Estípulas ovado-lanceoladas de 6-9 x 2-4 mm, ás veces lobadas, con pelos eglandulares na cara abaxial e glabras na adaxial.
Flores actinomorfas e hermafroditas, morado-rosáceas, dispostas en cimas biflorais sobre pedúnculos de 0.5-8 cm e igual indumento que os talos. Brácteas lanceoladas de ata 2 mm, ás veces lobadas, con pelos eglandulares na cara abaxial e no marxe e glabras na cara adaxial. Pedicelos de 0.5-1.5 cm, con longos pelos con pelos eglandulares de ata 2 mm, patentes, e outros curtos de menos de 0.5 mm glandulares ou eglandulares. Cáliz con 5 sépalos de ata 2.5 x 6 mm, mucronados (0.2 mm), non acrecentes, co marxe escarioso, pelos eglandulares de ata 1.5 mm e outros menores de 0.5 mm glandulares ou eglandulares. Os pétalos son 5, de 3-10 x 1.5-7 mm, cunha escotadura de 1-2.5 mm e unha unha curta, glabros na cara adaxial e ciliados no marxe basal, cun denso penacho en cada lado. Androceo con 10 estames, todos con anteras de cor púrpura e polen azulado, con filamentos de 4-5 mm, xeralmente máis curtos que os sépalos. Gineceo de 5-6 mm, cun ovario con 5 lóculos, cun estilo con 5 estigmas (estigma pentalobulado) purpurinos. O estilo alongase tras a fecundación formando unha columna que será un chamativo e longo bico do froito.
Froito en esquizocarpo de 8-14 mm de lonxitude, formado por 5 mericarpos de aproximadamente 2 x 1.5 mm, glabros na superficie e un pouco ciliados na base, marróns, nos cales se perciben unhas costelas transversais apenas marcadas. Sementes, unha por mericarpo, lisas e pardas.
-Nº de cromosomas:
2n=26
-Fenoloxía:
Floración I-IX (xaneiro-setembro)
Xerminación: Outono
-Distribución:
Presente en Europa, incluíndo toda a península ibérica e as Illas Baleares, o Norte de África, Macaronesia, Cáucaso e o Oeste de Asia ata o Este do Himalaia. Ademáis foi intoducida en América, África, Australia, Nova Zelanda e en certos lugares do Pacífico; é dicir, en prácticamente todo o mundo.
En Galicia distribúese amplamente polas súas catro provincias.
-Hábitat:
Como ruderal, medra en lugares baldíos, herbazales nitrofílicos, hortas, beiras de camiños, pero tamén en dunas, bases de rochedos, setos, silvas, bosques de ribeira, soutos, carrascales, carballos e pinares. Entre o nivel do mar e 1700 m de altitude.
-Poboación:
Non se atopou ningún documento acerca do seu número poboacional, polo que se descoñece este dato.
-Factores de amenaza:
Esta especie non se atopa recollida dentro da Lista Vermella da UICN, polo que non se atopa ameazada.
Tampouco se atopa no Catálogo Español de Especies Exóticas Invasoras, polo que non se considera un factor de amenaza para outras plantas da península.
-Medidas de conservación:
Dado que non está catalogada como especie ameazada, non se atoparon medidas para a súa conservación.
-Bibliografía:
https://floradegalicia.wordpress.com/2018/03/28/geranium-molle/
https://www.unavarra.es/herbario/htm/Gera_moll.htm
https://spain.inaturalist.org/taxa/53076-Geranium-molle
https://es.wikipedia.org/wiki/Geranium_molle
https://www.asturnatura.com/distribucion/geranium-molle.html
https://www.biodiversidadcanarias.es/biota/especie/F00733
https://floradegalicia.wordpress.com/2018/03/28/geranium-molle/
http://www.floraiberica.es/floraiberica/texto/pdfs/09_123_01_Geranium.pdf