Biodiversidad amenazada

Reintrodución do Alyssum gallaecicum en Mar de Fóra - Programa de innovación educativa (proxecto de Aprendizaxe e Servizo)


O IES Fin do Camiño levou a cabo co Grupo de Investigación da Universidade de Santiago de Compostela BCPV(GI-1291) “Análise e Conservación da Biodiversidade”, especialmente con Miguel Serrano e Roi Carballal, e en colaboración con ADEGA, esta actividade pedagóxica que pretende dar continuidade ás accións desenvolvidas durante os anos 2016 e 2017, centradas na reintrodución do endemismo Alyssum gallaecicum na Microrreserva de mar de Fora, tendo ao alumnado do IES como protagonista.

Nesta actividade participará activamente o alumnado e profesorado do IES Fin do Camiño, favorecendo o desenvolvemento de programas de innovación educativa como son os proxectos de Aprendizaxe e Servizo, (APS en diante) neste caso centrados no medio natural, onde o alumnado aumenta o seu coñecemento sobre biodiversidade ao mesmo tempo que contribúe de xeito activo na conservación do mesmo, a través das actuacións de restauración de hábitats. Unha ferramenta educativa novidosa, que garante unha aprendizaxe máis significativa así como a formación de cidadás mais comprometidos co medio do rural litoral.

O proxecto é empregado como modelo de ApS de participación mixta Universidade-Ensino secundario no curso 2022-2023 da materia optativa Xeobotánica do grao en Bioloxía da USC. 

Blogs

>

Reintrodución do Alyssum gallaecicum en Mar de Fóra - Programa de innovación educativa (proxecto de Aprendizaxe e Servizo)

Volver

Tratamento de sementes e xerminación

Empréganse  para isto as sementes recollidas na praia de Langosteira. Para a sua xerminación seguiuse a metodoloxía empregada no proxecto anterior e estase a levar no laboratorio de Bioloxía e Xeoloxía do instituto, as sementes situanse en placas petri sobre papel de filtro embebido en auga, e a xerminación considérase a partir do momento da aparición da radícula. O alumnado monitoriza dita xerminación diariamente (durante os recreos), mediante turnos e cubre unha ficha de control para realizar posteriormente unha analise estatística coa profesora de matemáticas participante no proxecto. As plantas serán trasplantadas a sementeiros no momento da aparición dos cotiledóns.

Neste experimento estanse a cultivar 600 sementes atendendo a duas variabeis como e a presenza e ausenza de luz, facendo unha monitorización diaria tanto de % de sementes xerminadas en ámbolos dous ambientes, como a % de sementes con presencia de fungos.

viqui - CC BY-NC-SA

Últimos posts

  • Seguemento das sementes de mar de Fóra

    Hoxe fomos a facer un seguemento de algunhas das plantas que plantamos con esforzo e traballo en equipo. Foi moi difícil saber se naceran o ou non, xa que o musgo impedía ver as plantitas, outras...

  • 202 plántulas con bo pronóstico

    Despois de 15 dias  contamos con 202 plántulas con bo pronóstico. Comezan a aparecer xa novas follas. Tamén  empregouse un adubo químico para fortalecer o crecemento. nun mes estariamos xa en...

  • Seguemento das plántulas nos alveolos

    Pouquiño a pouco as plántulas van crecendo. Ainda que a mortandade é elevada  (2/3 das plantadas)  esperamos poder ter un número axeitado para poder facer o experimento. Non se observan...