Voluntariado Ambiental na Rede de Microrreservas de Fisterra
- O Rostro
- 11:00
Descargas
Cartaz Campo de voluntariado no RostroO Concello de Fisterra ven de recibir unha axuda da Dirección Xeral de Conservación da Natureza cofinanciada co FEADER no marco do Programa de desenvolvemento rural (PDR) 2014-2020, centrada na creación dunha rede de microreservas de flora, Estas pretenden ser un modelo pioneiro que sirva de referencia para futuros proxectos no ámbito litoral da Rede Natura 2000 na Galicia costeira. As actuacións están dirixidas de forma preferente a preservar hábitats prioritarios ou de interese comunitario.
A iniciativa desenvolverase entre decembro de 2016 e xuño de 2017. Entre as primeiras actuacións, destacamos duas Xornadas de voluntariado Ambiental, a desenvolver os dias 5 e 7 de Decembro, centradas na eliminación de Especies Exóticas Invasoras e na restauración e revexetación das microrreservas, respectivamente. A primeira aberta ao público xeral e a segunda destinada a un público mais técnico con coñecementos botánicos.
Nas distintas actividades a realizar, participará activamente a asociación Ecoloxista ADEGA, entidade con ampla experiencia no eido da Educación e o Voluntariado ambiental, da man dos membros do Grupo de Investigación da Universidade de Santiago de Compostela BCPV( GI-1291) “Biodiversidade e Conservación de Plantas Vasculares” liderado polo dr. Santiago Ortiz.