Rede Galega de voluntariado ambiental para a identificación e localización de EEI

Código do projeto: 17
As invasións biolóxicas son, na actualidade, a segunda causa de perda de biodiversidade a nivel mundial, por detrás da destrución e fragmentación de hábitats nos continentes (Williamson, 1996; Devine, 1998; Mack et al., 2000; UICN, 2000). As especies exóticas invasoras (EEI, en diante) producen, naqueles lugares nas que se instalan e proliferan, efectos sobre a biodiversidade que se traducen en impactos directos sobre as comunidades nativas (redución de poboacións, do crecemento dos individuos, do éxito reprodutor, etc.) como en efectos sobre a estrutura e funcionamento dos ecosistemas, ocasionando a alteración de procesos ecolóxicos e bioxeoquímicos e a homoxeneización de comunidades e da paisaxe.
CC BY-SA

A educación auténtica, non se fai de A para B ou de A sobre B senon de A con B.                                         Paulo Freire         

Mediante este proxecto promovido por ADEGA (asociación para a Defensa Ecolóxica de Galiza) en colaboración coa plataforma Biodiversidade.eu preténdese potenciar o papel do  voluntariado ambiental  no campo das EEI. A través de este proxecto o voluntariado identificará e localizará es EEI presentes  no noso pais, o que permitirá obter unha radiografía actual da presenza destas especies na Galiza, así como unha detección temperá de especies potencialmente invasoras.

Tratase dun proxecto colaborativo que complementa as distintas actuacións que dende ADEGA (www.adega.gal) se están a desenvolver para amosar a cidadanía a problemática das EEI.