Os Aciñeirais son pequenos boscos moi restritos e localizados en territorio galego, están formados na maior parte de Aciñeiras, Quercus ilex, unha árbore chamada Xardón en diversas localidades da bisbarra de Monterrei. Sofren varias amezas entre as que está a reforestación con especies de rápido crecemento, como é o caso dos montes da localidade de Castrelo de Abaixo, no concello do Riós, nas paraxes de A Faquiña, As Gándaras, Trambolosríos, A Ribeira ou Fraga do Curral, onde fai uns anos se reforestou masivamente o monte con Pinus radiata, ocupando o lugar deste bosque mediterráneo escaso na Galicia. O que queda destes Aciñeirais está bastante degradado e precisaría de certa protección por parte da Administración, incluso actuar de forma activa e retirar as plantacións de piñeiros existentes para dar paso á rexeneración destes Aciñeirais.